前日買左個聲稱係100%authentic，98% new嘅袋，但拎到袋之後有朋友話同真品有分別，所以我online搵到啲同款商品圖比較，之後發現五金位的確有分別 (連卡佛/ IT 官網顯示，五金位係有logo的)，然後我即刻同賣家講返呢個問題，係等賣家回覆嘅同時將評價由5星改為3星。 最後賣家應承可以退袋，約左七點半喺銅鑼灣交收，到咗之後賣家叫我等多2分鐘，話自己好快到，我一直等咗大半個鐘，賣家都冇出現過，訊息亦都冇再回覆，所以我認為大家應該要睇清楚真相! 第一，我由九龍過海去銅鑼灣交收，而賣家聲稱自己住怡和街落樓交收好快，最後反而係我浪費左佢嘅時間? 第二，所謂的當面檢查，其實只係檢查新舊程度，細節位置我當時的確冇留意到，亦都唔識去分辨，所以無可否認我都有責任的 第三，跟袋嘅嘢淨係有兩張其他袋款的tag，同兩張使用說明，並唔係賣家所講嘅 “有晒price tag同收據”，即使係塵袋都同賣家post出嚟嘅唔一樣 我的確係”拎完唔岩就要退”，因為我覺得自己買左個聲稱係真品嘅二手假袋。可能係我唔識嘢誤會咗佢，但係賣家冇任何實質證據為自己辯解，所以我只可以堅持我嘅諗法係正確