賣家答應三至四日內寄出，由於本人一直有使用sf apps，所以知道他一直沒有寄出，本人先至詢問何時寄出，對方直接話等多一兩天（佢沒有提供解釋）或是退款，我選擇咗退款，我係用FPS轉錢俾佢，我順理成章地覺得佢會用返FPS退錢，但佢表示FPS係冇退錢功能，佢需要放工去櫃員機退錢，我過數俾佢嘅時候screenshot裏面已經有我戶口號碼，如果佢要退錢俾我唔需要擾攘2-3日，我亦都透露我都係做銀行，我亦都問返有關銀行部門同事，佢話其實只需要申請就得，作為一個用作長期買賣嘅戶口，只可以收錢而唔能夠退錢，實在難以理解，期間我催促佢盡快退錢，佢竟然用咗大量嘅文字去解釋自己點解唔可以退錢，呢件事亦都好奇怪，你可以用咁多時間去解釋自己退唔到錢，但係你唔用呢啲時間去櫃員機轉賬俾我，亦都唔用呢啲時間去學習點樣令到個戶口轉到帳俾人，只係不停幫自己搵藉口，我直接同佢講其實好明顯你係想呃我錢，跟住佢話佢當日朝頭早銀行開門就會去了解，結果我同Carousell投訴完，佢當日下晝佢先至轉返錢俾我，對於呢個賣家本身已經冇誠實去陳述呢一件事，已經好明顯佢當其時嘅立心不良，希望各位買家唔好因為買賣小錢而掉以輕心！