此評價為不實資訊，只是轉到whatsapp溝通，已將QR Code發送俾買家，亦沒有收到任何QR code 不能使用的反饋。已舉報

近2星期後收到件，本身想趁你未留評價同你講番，但原來你已經趕住黎數臭我。自己明明無損失，仲聲大夾惡blame the victim。無同理心&責任感。 第一，講大話。你話無提供面交，實屬謊言。 睇返對話，我一黎就話面交，你自己俾咗紅磡，而唔係「唔提供面交」。最後夾唔到時間，先無奈接受平郵。 第二，無同理心。你錢就袋袋平安，我就財貨兩失，你仲鬧返我？ 我一直收唔到，黎搵你打算大家分擔損失，變咗「胡鬧一輪」？坦白講你所謂的「寄出證明」，只係影咗一個寫我地址的白信封。我唔知入面係咩，唔知最終有無入郵筒，唔知會否郵資不足退咗件⋯呢啲嘢全部無人保障我，反而一早收咗貨款嘅你係到話「不安」？ 第三，自以為是，不負責任。 交易前討論咗咁耐，你無提過一句「寄失要買家負責」，直到我話收唔到件。我點知自己要負擔呢個risk？就憑你「覺得」「默認一向都係買家負責」？ 第四，經驗欠奉，推卸責任。 我最後近2星期先收到。作為賣家，我相信你比我有經驗會等幾耐，所以第一次同你講未收到，你叫我再等，我都客客氣氣話好。第二次講，你即刻起曬剛，開始卸膊話「我都證明咗我無錯，要買家負擔」。係你你作何感想？